Kryeministri në detyrë, Albin Kurti, gjatë prezantimit të Raportit të Përgjithshëm Vjetor mbi Inspektimet për vitin 2025, deklaroi se Qeveria ka hedhur hapin e parë drejt një reforme gjithëpërfshirëse me miratimin e Ligjit për Inspektimet.
Sipas Kurtit, një ndër pjesët më të rëndësishme të kësaj reforme është qasja e re ndaj sistemit të inspektimeve, duke theksuar se inspektoratet e vendit duhet të jenë sa më të rrepta dhe më efikase në zbatimin e ligjit.
Ai bëri të ditur se ligji i ri ka themeluar Zyrën e Inspektorit të Përgjithshëm, e cila, për të përmirësuar performancën e inspektorateve, do të nisë trajnimin e inspektorëve të rinj.
Kurti shtoi se reforma ligjore synon të ofrojë më shumë drejtësi për qytetarët dhe njëkohësisht më shumë mbështetje për bizneset.
Të tjera
Trajtimi me qumësht blete, sekreti kundër rrudhave të fytyrës
Kurti: Paga minimale rritet në 500 euro, përfitojnë rreth 150 mijë punëtorë
KPK nis intervistimin e kandidatëve për Kryeprokuror të Shtetit