Mozzik: Zvicra është një vend i ftohtë për të jetuar, e kam problem të rri larg prindërve

Rap-artisti shqiptar, Mozzik, ka qenë prej kohësh i komentuar në media e shtypin rozë.

Ai së fundmi ishte i ftuar në ‘Reload’, ku ka folur për albumin e ri, jetën private e po ashtu edhe për të kaluarën.

Mes tjerash, këngëtari u pyet edhe për jetesën në Zvicër meqë ishte disa vite më parë për shkak të lidhjes me Loredana Zefin.

28-vjeçari thekson se Zvicra është një vend shumë i ftohtë dhe se njerëzit atje janë të tillë.

Megjithatë, krijuesi i hitit “No lie” thotë tutje se nuk mund të jetojë larg prindërve të tij.

Mozzik për Lotinën: Gjëja më e bukur që më ka ndodhur në 28 vite jetë
Lexo po ashtu
Mozzik për Lotinën: Gjëja më e bukur që më ka ndodhur në 28 vite jetë
“Për mua ka qenë sfiduese pak, unë sado që jam rritur në jetë e karrierë e kam shumë problem me jetu larg prindërve. E kam, nuk mundem. Më së shumti që më ka ndodhur është një orë e gjysmë larg”, u shpreh ai.

Mozzik shtoi: “Në Zvicër kur pata shku ka qenë shumë sfiduese, sado që kahja ime jetësore mori kahje tjetër. Zvicra është vendi më i ftohtë ku kam jetuar. Njerëzit janë, e kanë një dashuri të njerëzve ndryshe. Në Gjermani është ndryshe. Liberalizimi i vizave nuk e di sa ka luajtur rol tash. I kemi vizat, kudo që kemi me shku shkojmë”.