Osmani i tregon emisares britanike për ndërhyrjet e Serbisë në zgjedhjet e 12 tetorit

Presidentja e Republikës së Kosovës, Vjosa Osmani, ka biseduar dje me të dërguarën e posaçme të Mbretërisë së Bashkuar për Ballkanin Perëndimor, Dame Karen Perce, përcjell KosovaPost.

Osmani dhe Pierce diskutuan për zgjedhjet e mbajtura të dielën, teksa presidentja thotë se e njoftoi emisaren britanike rreth ndërhyrjes së paligjshme të Serbisë, në zgjedhjet e 12 tetorit.

“Një sjellje e tillë destabilizuese duhet të përballet me një përgjigje të qartë dhe të bashkuar nga të gjithë partnerët tanë ndërkombëtarë” u shpreh presidentja.

Osmani dhe Pierce po ashtu folën për formimin e qeverisë dhe axhendën e përbashkët strategjike mes dy vendeve.