Presidentja e Kosovës, Vjosa Osmani, ka dekoruar sot Harry Bajraktarin me “Urdhrin e Lirisë”, si vlerësim për kontributin e tij të jashtëzakonshëm për lirinë, pavarësinë dhe shtetndërtimin e Kosovës.
Osmani përmes një postimi në Facebook, tha se për më shumë se tri dekada Bajraktari ka qenë një nga zërat më të fuqishëm të Kosovës në Shtetet e Bashkuara, duke bashkëpunuar ngushtë me Presidentin historik Ibrahim Rugova dhe duke përfaqësuar çështjen e Kosovës para institucioneve amerikane në periudha vendimtare.
Me përkushtim të pandalur, ai ka ndërtuar ura të rëndësishme bashkëpunimi me Shtëpinë e Bardhë, Kongresin amerikan dhe me udhëheqës të tjerë në SHBA, duke mbështetur Kosovën në momentet vendimtare dhe duke qëndruar krah popullit tonë.
Urime dhe mirënjohje e përjetshme”, shkroi e para e shtetit.
Të tjera
“Paga kalimtare”: Mbi 150 mijë euro në muaj, 2 milionë euro në vit për ish-deputetët
Vetëvendosje i përgjigjet Ramës: Nuk kemi asnjë rol në protestat në Shqipëri
Bellingham kujton gjyshin para çdo ndeshjeje – tregon arsyen pse qanë gjatë intonimit të hymnit