Shkollat Ndërkombëtare Maarif të Kosovës – Dega Prizren, në bashkëpunim me Komunën e Prizrenit, ka realizuar projektin mjedisor me rastin e Ditës së Tokës, duke kontribuar në gjelbërimin e qytetit, transmeton KosovaPost.
Në kuadër të këtij aktiviteti, në hapësirën e gjelbër te sheshi “Rrustë Kabashi” në lagjen Dardania, janë mbjellë 50 fidanë nga nxënësit maturantë të shkollës
Si vlerësim për këtë kontribut, Komuna e Prizrenit e ka emërtuar këtë hapësirë publike “Parku Publik me Mbështetjen e Shkollës Maarif”.
Në aktivitet morën pjesë nënkryetari i Komunës së Prizrenit, Bexhat Bytyçi, drejtori i Shërbimeve Publike Islam Ukimeri, konsulli i Republikës së Turqisë në Prizren Fatih Topçu, përfaqësuesi i Fondacionit Maarif të Turqisë në Kosovë, Mehmet Nedim Asllan si dhe përfaqësues të institucioneve lokale, organizatave mjedisore, KRM “Ekoregjioni”, vullnetarë dhe qytetarë.
Në këtë aktivitet mori pjesë edhe shkolla simotra nga Stambolli “Yasar Dedeman Imam Hatip Lisesi”, e cila kontribuoi me një mbjellje simbolike fidani, duke forcuar bashkëpunimin mes dy institucioneve.
Projekti u vlerësua si një shembull i rëndësishëm i bashkëpunimit institucional dhe i rritjes së ndërgjegjësimit mjedisor te brezat e rinj./AA
Të tjera
Vjen reagimi emocionues nga Lamine Yamal pas lëndimit
Si t’i bësh për vete të tjerët në pak sekonda
Nipi publikon amanetin e fundit të Rexhep Qosjes, përmes një letre