Sveçla: Skaneri “Rapiscan” do të forcojë sigurinë kufitare dhe luftën kundër kontrabandës

Ministri në detyrë i Punëve të Brendshme, Xhelal Sveçla, ka reaguar pasi Kosova ka pranuar sot si donacion nga Shtetet e Bashkuara një skaner “Rapiscan” me vlerë 3 milionë dollarë, raporton GazetaBlic.

Ai tha se pajisja do të përdoret për rritjen e sigurisë kufitare dhe luftën kundër aktiviteteve ilegale, përfshirë kontrabandën e mallrave, armëve, narkotikëve dhe trafikun e qenieve njerëzore, duke theksuar se donacioni është dëshmi e partneritetit të palëkundur mes dy vendeve.