Nuk ka të ndalur fenomeni i kultivimit të bimëve narkotike në vendin tonë, ndonëse me disa operacione të ndryshme autoritetet i kanë shpallur luftë, tashmë prej vitesh.
Në kuadër të operacionit “Territori i pastër”, policia e Shkodrës ka zbuluar dhe asgjësuar 2738 fidanë bimësh narkotike në disa zona të qarkut.
Gjatë kësaj faze të operacionit, në fshatin Lohe të Malësisë së Madhe, u gjetën 141 fidanë cannabis. Për këtë rast, u referuan materialet në Prokurori, ku nisi procedimi në gjendje të lirë për shtetasit:
P. B., 43 vjeç dhe F. GJ., 41 vjeç, për veprën penale “Kultivimi i bimëve narkotike”;
M. B., kryetari i fshatit, dhe shtetasi A. H., specialist i pyjeve, për veprën penale “Shpërdorimi i detyrës”.
Në territorin e njësive administrative Shosh, Pult u gjetën dhe u asgjësuan 2159 fidanë cannabisi, ndërsa në territorin e njësisë Shllak, u gjetën 438 fidanë të tjerë.
Vijon puna për identifikimin, kapjen dhe nxjerrjen përpara përgjegjësisë penale, të autorëve të kultivimit të këtyre fidanëve kanabis.
Të tjera
Xhem për pastrim të shpeshtë të zorrëve: Mjekët e rekomandojnë në vend të barnave
12 shenjat e kancerit të gjirit
8 ushqime që duhet t’i konsumoni patjetër këtë verë për të marrë gjithë hidratimin që ju duhet