Donald Trump ka deklaruar se personi i armatosur që shkaktoi incidentin gjatë White House Correspondents’ Dinner është arrestuar dhe se reagimi i forcave të sigurisë ishte i shpejtë dhe profesional.
Në një konferencë për media në Shtëpinë e Bardhë, Trump tha se një agjent i Shërbimit Sekret është plagosur, por është në gjendje të mirë, ndërsa i dyshuari po trajtohet në spital dhe pritet të dalë para gjykatës.
Presidenti e cilësoi autorin si një “person shumë të sëmurë” dhe shtoi se dyshohet të ketë vepruar i vetëm, pa dhënë detaje për motivin e sulmit.
Ai falënderoi Shërbimin Sekret dhe organet e rendit për reagimin e shpejtë, duke theksuar se “vepruan me guxim dhe vendosmëri” në një situatë të rrezikshme.
Trump gjithashtu bëri thirrje për unitet dhe zgjidhje paqësore të dallimeve, duke theksuar se incidenti solli një ndjenjë bashkimi mes të pranishmëve. Ai shtoi se ngjarja nuk do të ndikojë në angazhimet e tij politike dhe se darka e korrespondentëve do të riorganizohet brenda 30 ditëve.
Të tjera
3 shenja se nuk pini ujë sa duhet
Tri super ndeshje sot në Superligë
I diplomuar për inxhinieri, ky është autori që qëlloi me armë në darkën e Trumpit me gazetarët