Mosmarrëveshjet për motive të ndryshme, e që shpeshherë dalin të jenë banale bëhen mollë sherri e kërcënimeve e përleshjeve mes të rinjve në vendin tonë. Për pasojë, konfliktet jo rrallëherë eskalojnë edhe në rrahje, për çka nevojitet ndërhyrja e Policisë. Kështu ndodhi të mërkurën në mbrëmje, në Drenas.
Përleshja ka ndodhur në restorantin ‘Urban’ në Drenas, ku për motive akoma të panjohura, një person e ka sulmuar një tjetër me grushte e shkop druri.
Si pasojë e lëndime trupore, viktima është dërguar në Emergjencën e qytetit për trajtim mjekësor, ndërsa i dyshuari është arrestuar në shtëpinë e tij.
Burimet brenda Prokurorisë kanë bërë me dije se i dyshuari që u arrestua është Ylber Berisha, 47-vjeçar.
I dyshuari fillimisht është dërguar për trajtim mjekësor në QKUK e më pas është shoqëruar në stacion policor.
Pas përfundimit të procedurave, ndaj tij, Prokurori i Shtetit ka urdhëruar masën e ndalimit policor.
Të tjera
Hajdari me veteranët: Veteranët janë damari i lirisë, ata meritojnë dinjitet që s’ua cënon dinjitetin
51-shi i PDK-së: Bedri Hamza është kryeministri i ardhshëm, ne jemi përfaqësuesit e projektit që e nderon vendin
Petrit Hajdari në Komoran: Mesazhi ynë Kosova munet ma mirë po grumbullon qytetarë gjithandej.