Avokati Arianit Koci disa ditë më parë kishte kërkuar nga Drejtoria për media dhe marrëdhënie me publikun e Kuvendit që ti mundësohet pjesëmarrja në seancën e Kuvendit.
Mirëpo sot gjatë ditës në një përgjigje të cilën e ka publikuar vetë avokati, është bërë e ditur se atij do ti mundësohet përcjellja e seancës vetëm ateherë kur Kuvendi të konstituohet.
Postimi i plotë:
Si qytetar i këtij vendi, para një jave iu drejtova Kuvendit të Republikës së Kosovës me një kërkesë.
Më poshtë e keni përgjigjen e Kuvendit, të panënshkruar, dhe reagimin tim.
I nderuar z. Koci,
Seancën konstituive të Kuvendit janë të ftuar nga Kryesuesi ta përcjellin përfaqësuesit e korit diplomatik, përfaqësues të institucioneve shtetërore dhe ndërkombëtare, mysafirë të posaçëm (përfaqësues të familjeve emblematike).
Sipas Rregullores për rendin dhe qasjen e mediave dhe të publikut në punën e Kuvendit (Kreu II, Rregulla 3), prezenca e qytetarëve në galerinë e sallës, ndërkaq, parashihet vetëm në rastet e mbajtjes së seancave plenare të Kuvendit.
Prandaj, në përgjigje të kërkesës suaj, në përputhje me rregulloren, si dhe në koordinim me kryesuesin e seancës konstituive dhe Zyrën e Sekretarit të Kuvendit, duke kërkuar mirëkuptimin tuaj ju njoftojmë se përcjellja e seancës do të jetë e mundur pas përfundimit të seancës konstituive (konstituimit të Kuvendit), përkatësisht pasi të fillojë mbajtja e seancave të rregullta plenare.
Me respekt,
Drejtoria për media dhe marrëdhënie me publikun
Kuvendi i Republikës së Kosovës
+383 38 211 186
ëëë.kuvendikosoves.org
https://www.facebook.com/kuvendi.skupstina
Komenti i im!
Të nderuar,
Nuk është aspak në rregull që të më dërgohet një përgjigje nga Kuvendi i Republikës së Kosovës – pa u nënshkruar nga asnjë person individualisht.
Përgjegjësia institucionale nuk është anonime.
Në anën tjetër, e kuptoj që ka rregullore!
Por problemi nuk është rregullorja – është fakti që shteti po shkatërrohet, populli po varfërohet, e Kuvendi nuk po arrin të konstituohet tash e 37 herë me radhë.
Kjo është lojë me popullin!
Sidoqoftë, besoj që e keni kuptuar: nuk jam qytetar që po kërkon ftesë për ndonjë ceremoni festive.
Jam Arianit Koci – dhe po protestoj përballë institucionit më të rëndësishëm në shtetin tonë, e që nuk funksionon.
Po protestoj sepse jemi në krizë të thellë kushtetuese, institucionale dhe morale.
Po protestoj sepse përfaqësuesit që janë zgjedhur me votë, nuk po e kryejnë detyrën për të cilën janë zgjedhur.
Dhe meqë jemi te “mysafirët e posaçëm”: a nuk ka asnjë vend të rezervuar për ndonjë qytetar që përfaqëson zërin e popullit?
Apo janë të ftuar vetëm ata që i konvenojnë protokollit?
Të tjera
Kamberi: Serbia po minon dialogun me Kosovën duke ndjekur mitin e Kosovës
Vetëdorëzohet i dyshuari tjetër për tentim-vrasjen në Nadakovc të Vushtrrisë
Vrasja në Ferizaj, “si pasojë e mosmarrëveshjeve të vazhdueshme”, i dyshuari e thirri vetë policinë, në oborr iu gjet arma dhe 4 gëzhojaPolicia e Kosovës ka dalë me informacione shtesë rreth ngjarjes tragjike që ndodhi dje në fshatin Balaj në Ferizaj, ku mbeti i vdekur një 40 vjeçar. Ngjarja sipas policisë rreth orës 19:42, Policia Rajonale e Ferizajt ka pranuar një informacion se në fshatin Balaj ka ndodhur një rast i vrasjes me armë zjarri. Menjëherë pas marrjes së informatës, në vendin e ngjarjes kanë dalë njësitet e nevojshme të Stacionit Policor në Ferizaj, Njësiti i Reagimit të Shpejtë, hetuesit e Sektorit Rajonal të Hetimeve, si dhe krimteknikët. Po ashtu, në vendngjarje ka dalë edhe Prokurori i Shtetit, dhe nën autorizimin e tij kanë nisur hetimet. Hetuesit dhe krimteknikët kanë kryer ekzaminimin e vendit të ngjarjes dhe të trupit të viktimës, ndërsa janë intervistuar edhe dëshmitarët. Në vendin e ngjarjes janë gjetur katër (4) gëzhoja, ndërsa në oborrin e shtëpisë së të dyshuarit është gjetur një armë zjarri (pistoletë), me të cilën dyshohet se është kryer vrasja. Gjatë bastisjes së shtëpisë së të dyshuarit janë gjetur dhe konfiskuar gjithashtu: Një pushkë gjahu me 72 fishekë; Një pushkë ajrore. Sipas hetimeve fillestare, ngjarja ka ndodhur pas një mosmarrëveshjeje të mëhershme, që kulmoi në ditën kritike me një debat verbal, ku i dyshuari nxori armën dhe qëlloi katër herë në drejtim të viktimës, duke e lënë atë të vdekur. Pas kryerjes së veprës penale, i dyshuari ka njoftuar Policinë për rastin dhe vendndodhjen e tij, ku më pas është arrestuar dhe shoqëruar në stacionin policor në Ferizaj, për procedura të mëtejme hetimore. Me vendim të Prokurorit të Shtetit, trupi i pajetë i viktimës I.R. (M/K), i lindur më 1987, është dërguar për obduksion në Institutin e Mjekësisë Ligjore në Prishtinë, ndërsa i dyshuari B.R. (M/K), i lindur më 1974, është ndaluar për 48 orë. Rasti është iniciuar si “Vrasje” dhe hetimet janë në vazhdim.