Gjenerali i pensionuar amerikan, Wesley Clark, do të dëshmojë në mbrojtje të ish-presidentit të Kosovës, Hashim Thaçi, i cili akuzohet për krime lufte dhe krime kundër njerëzimit në Gjykatën Speciale të Kosovës në Hagë.
Mbrojtja e Thaçit njoftoi se Clark ka marrë autorizimin nga Qeveria e Shteteve të Bashkuara për të dëshmuar në mbrojtjen e Thaçit, i cili së bashku me tre ish-eprorë të Ushtrisë Çlirimtare të Kosovës (UÇK), janë duke u gjykuar për krime lufte në qytetin holandez.
Clark e udhëhoqi fushatën ajrore të NATO-s kundër caqeve ushtarake serbe në vitin 1999.
Clark do të jetë i fundit që do të dëshmojë në të mirë të Thaçit, mbrojtja e të cilit e filloi thirrjen e dëshmitarëve në shtator.
Nuk është e qartë se kur saktësisht do Clark do të ulët në bankën e dëshmitarit të mbrojtjes, por, sipas njoftimit të mbrojtjes, ai ka njoftuar se nuk mund të dëshmojë para 18 apo 19 nëntorit.
Mbrojtja e Thaçit kishte parashikuar paraprakisht se do t’i kryente dëshmitarët deri më 14 nëntor, por gjykata ka lejuar më shumë kohë tashmë. / REL
Të tjera
Bacili i tuberkulozit vepron si “Kali i Trojës”
Alergjitë në pranverë, cilat janë dhe kush rrezikohet më shumë nga to?
Kuptojeni a ju pëlqen, dhe disa “truqe” të tjera psikologjike