Kryetari i Lidhjes Demokratike të Kosovës, Lumir Abdixhiku, u është përgjigjur kërkesës së degëve në Pejë dhe Lipjan për dorëheqjen e tij. Abdixhiku ka thënë se LDK-ja ka performuar më së dobëti në këto dy komuna në zgjedhjet e 7 qershorit dhe ka kërkuar dorëheqjen e tyre morale, përcjell KosovaPost.
Abdixhiku këtë kërkesë e ka bërë ndaj kryetarit të degës në Pejë, Gazmend Muhaxheri dhe atij në Lipjan, Imri Ahmeti.
“Pajtohem që rezultati në këto dy degë nuk është i kënaqshëm. Në komuna ku kemi qeverisje, të dalim të tretët tregon vetëm dozën e një sabotimi të thellë dhe të një projekti që nuk është i LDK-së. Unë çështjen e dorëheqjes sime e kam trajtuar në Kuvendin e 31 janarit. Edhe përballë këtyre dy kryetarëve. Anëtarësia jonë, për mua, ka folur qartë. Por, për performancën e dobët në këto dy degë, rezultatin më të ulët ndër vite, pres dorëheqjet morale të dy kryetarëve në fjalë. I pranoj menjëherë”, ka thënë Abdixhiku në reagimin e tij në Facebook.
Abdixhiku ka thënë gjithashtu se këto kërkesa të dy kryetarëve, janë të koordinuara dhe e ka quajtur si më korrekte po t’i bëheshin ballë për ballë.
Kryetari i LDK-së ka deklaruar se ndjen keqardhje që në momentet me të rëndësishme kësaj partie, dëmtimi nga brenda mbetet qëllim. Reagimin e ka nisur dhe përfunduar me “Si nuk u ngopën kurrë?!”.
Të tjera
Ja pse meshkujt duhet të hanë sa më shumë fruta të thata
E rëndë: Qytetarja nga Kosova Besire Kolgeci-Baraliu humb jetën pas një aksidenti në Francë, lëndohen bashkëshorti dhe dy djemtë
Kërkesat për dorëheqjen e Abdixhikut, flet Haziri: S’na kanë zënë në befasi