Arian Tahiri pranon rezultatin: “Urime Faton Pecit, vullneti i popullit është i shenjtë!”

Arian Tahiri e ka uruar Faton Pecin për fitoren në Mitrovicë-Jugu. Kandidati i PDK-së ka thënë se e respekton vullnetin e popullit.

“Ju falënderoj të gjithëve për besimin dhe përkrahjen që më dhatë në garën për kryetar të Mitrovicës Jugu. Ishte një privilegj i madh të jem pjesë e një procesi demokratik që dëshmoi pjekurinë tonë politike dhe kulturën e lartë qytetare.
Rezultati i zgjedhjeve është shprehje e vullnetit tuaj dhe ky vullnet do ta ketë gjithmonë respektin tim.
Urime kundërkandidatit tim për fitoren! I uroj suksese në punën e tij për Mitrovicën Jugu.
Unë do të vazhdoj të jem në shërbim të Mitrovicës -Jugu dhe të të gjithë qytetarëve, me ndershmëri, përkushtim dhe dashuri për qytetin tonë, si gjithmonë”, shkruan Tahiri në Facebook.