“Pikënisja e Kosovës së lirë” — a po e ruajnë sot liderët amanetin e 2 Korrikut?

Ish-presidentja e Kosovës, Vjosa Osmani, në 36-vjetorin e miratimit të Deklarates Kushtetuese të 2 korrikut, ka thënë se kjo datë ishte pikënisje drejt realizimit të idesë së kahmotshme për Kosovën shtet të lirë e të pavarur.

Osmani shkroi se themelet e shtetit qëndrojnë mbi vendosmërinë e delegatëve, të cilët dhanë shembullin që nuk duhet të ketë dorëzim para asnjë vështirësie.

“Sot i nderojmë delegatët e Kuvendit të Kosovës, të cilët më 2 Korrik 1990 e artikuluan qartë vullnetin e qytetarëve të vendit për liri, duke e miratuar Deklaratën Kushtetuese.

Themelet e shtetit tonë qëndrojnë mbi vendosmërinë e tyre për ta refuzuar dhunën dhe për t’i përqafuar vlerat e lirisë. Mbi të gjitha, ata dhanë shembullin e mosdorëzimit para asnjë vështirësie, shembull që vazhdon të na frymëzojë edhe sot.”