Sport

Guardiola “magnet” i trofeve, e çon në 18 numrin e titujve të fituar te Man City në 9 vite

Posted on by Bota e Lajmeve

Manchester City ka thyer ‘makthin’ e finaleve të humbura në Superkupën e Anglisë, e njohur si “Community Shield”.

“Qytetarët” kanë rikthyer këtë trofe pas një serie negative prej tre finaleve radhazi paraprake të humbura.

Blutë e Manchesterit mposhtën ata të Kuqtë e Manchesterit përmes penalltive.

Ndeshja e rregullt përfundoi me rezultat 1-1, me golat e realizuar nga Garnacho (82′) dhe Bernardo Silva (89′).

Në penallti te Man City gaboi pikërisht realizatori i skuadrës në kohën e rregullt, Bernardo Silva, kurse te Man United gabuan Jadon Sancho dhe Jonny Evans.

Ndërkohë, me këtë trofe të fituar, Pep Guardiola ka zgjeruar numrin e trofeve të fituara si trajner me Man Cityn.

Ai tashmë ka fituar trofeun e 18-të me Manchester City në 9 vite.