Ndërron jetë babai i Ilir Metës, SPAK i jep leje të dalë nga qelia

Është ndarë nga jeta në moshën 83 vjeçare babai i Ilir Metës, Rexhep Meta.

Avokati i Metës ka kërkuar leje për ditën e nesërme, që kreu i PL të dalë nga qelia dhe të marrë pjesë në ceremoninë mortore të lamtumirës për të atin.

Bëhet me dije jo zyrtarisht se SPAK e ka aprovuar lejen.

Avokati Kujtim Cakrani i tha Anila Hoxhës se kërkesën e kanë depozituar për leje që Meta të marrë pjesë në ceremoninë e lamtumirës, e cila do të mbahet në fshatin Çepan të Skraparit.Sakaq, po kryhen procedurat që Meta të lërë institucionin 313 dhe të marrë pjesë në varrimin e të atit. /Tch/