SHBA i ka kërkuar Izraelit të jetë plotësisht “transparent” lidhur me sulmin ajror që vrau të paktën 35 njerëz në një shkollë qendrore të Gazës, e mbushur me njerëz të zhvendosur të enjten në mëngjes.
SHBA-ja i bëri thirrje Izraelit të identifikojë publikisht luftëtarët e Hamasit që tha se i kishte vrarë, ashtu siç ushtria izraelite dha emrat e nëntë prej tyre.
Izraelitët “na thanë se ishin 20 deri në 30 militantë që ata po synonin dhe ata do të publikojnë emrat e atyre që besojnë se i kanë vrarë, atyre militantëve”, tha zëdhënësi i Departamentit të Shtetit të SHBA, Matthew Miller.
“Kjo është ajo që ata kanë thënë se do të ofrojnë. Ne presim që ata ta bëjnë këtë, si dhe çdo detaj tjetër që do të hedhë dritë mbi këtë incident”.
Në Uashington, Miller tha se SHBA ka parë raporte se 14 fëmijë janë vrarë në sulm.
Një avion luftarak goditi me raketa klasat në katin e fundit të shkollës në kampin e refugjatëve Nuseirat.
Ushtria izraelite tha se kishte kryer një sulm “të saktë” kundër Hamasit në shkollë, por zyra e mediave qeveritare e Hamasit në Gaza mohoi pretendimin.
Të tjera
Gjykata Speciale: Haxhi Shala dënohet me tri vjet burgim, Januzin dhe Bahtijarin me nga dy vjet
Xheneta: Jam e lënduar, ndjenjat e Gjestit nuk kanë qenë të sinqerta – nuk do të hyj e as nuk do të përballem me të në Big Brother Albania
Xheneta Fetahu thyen heshtjen, flet për herë të parë pas daljes nga Big Brother: Kam qenë e vërtetë, edhe pse kam bërë gabime