Presidentja e Republikës së Kosovës, Vjosa Osmani, ka vizituar fëmijët e Kopshtit “Xixëllonjat”, ku mori pjesë në programin festiv të organizuar me rastin e 28 Nëntorit.
Presidentja ka vlerësuar me fjalë të ngrohta performancat e fëmijëve, duke theksuar talentin, gëzimin dhe energjinë që ata sollën përmes programit artistik.
“Fëmijët e talentuar dhe të ëmbël të Kopshtit ‘Xixëllonjat’ e mbushën ditën me dritë, gëzim dhe shumë dashuri”, ka shkruar Osmani, duke falënderuar edhe stafin e kopshtit për përkushtimin dhe mikpritjen.
Aktivitetet festive po zhvillohen në institucionet edukative në të gjithë vendin në kuadër të shënimit të Ditës së Flamurit dhe të Pavarësisë së Shqipërisë.
Të tjera
Kosova kërkon fitoren ndaj Shqipërisë për të mbetur në garë, publikohet 12-shja zyrtare
IPK shënon 20-vjetorin, forcohet besimi qytetar
Në Klinë u përurua shtatorja e ish-presidentit Ibrahim Rugova