Cristian Chivu ka dhënë vlerësimin e tij për atë që ka qenë një sezon i parë i plotë mbresëlënës si trajner, duke e udhëhequr Interin drejt dopietës Serie A dhe Kupa e Italisë në sezonin 2025-26, por ka thënë se është më i lumtur për lojtarët dhe tifozët sesa për veten e tij.
Interi po feston dopietën vendore këtë sezon, pas barazimit 1-1 ndaj Hellas Veronës në ndeshjen e fundit në shtëpi të kampionatit.
“Nerazzurrët” e siguruan Scudetton me fitoren 2-0 ndaj Parmës më 3 maj dhe më pas fituan Kupën me një tjetër 2-0 ndaj Lazios të mërkurën.
Trofeu i kupës u dorëzua menjëherë pas ndeshjes finale, ndërsa trofeu i kampionatit u ngrit të dielën.
“Festuam javën e kaluar, sot është ngritja e trofeut dhe parada. Euforia ka kaluar, por sot kemi mundësinë t’i tregojmë dy trofetë që i fituam falë këtyre djemve,” tha Chivu për “DAZN” pas ceremonisë së trofeut (via “TMW”).
Fillimi i sezonit nuk ka qenë i lehtë, sidomos në aspektin psikologjik pas humbjes së rëndë ndaj PSG-së në finalen e Championsit sezonin e kaluar, por Chivu ka mbetur i impresionuar me punën e skuadrës dhe thekson se roli i tij është të menaxhojë ekuilibrin mes momenteve të mira dhe të vështira.
“Gjithmonë ka ulje dhe ngritje gjatë tetë muajve, duhet të dish si t’i kalosh momentet e vështira që patëm në fillim të sezonit, dhe të mos entuziazmohesh shumë kur fituam 14 nga 15 ndeshje. Na duhet ekuilibër”, tha ai.
Duke qenë se kjo është sezoni i tij i parë i plotë si trajner i një skuadre të seniorëve, Chivu ka qenë pjesë e Interit për gati dy dekada si lojtar, trajner i akademisë dhe tani trajner i ekipit të parë.
Të tjera
Haradinaj: Fitorja e UÇK-së në Shqiponjë u bë testament kombëtar për mbrojtjen e atdheut
Kurti: Opozita po vazhdon me bllokimin e shtetit, duke e parë si pronë të pakicës dhe privilegj për pushte
S’ka formulë për ta mposhtur Trepçën, 3-0 shkon finalja